संवाद साधून केला स्वच्छतेचा निर्धार

संवाद साधून केला स्वच्छतेचा निर्धार

by Aajchi Navi Mumbai
Sep 27, 2025
116

35 हजारहून अधिक विद्यार्थ्यांचा सहभाग

नवा मुंबई ः स्वच्छता ही नियमित करण्याची गोष्ट असल्याने नवी मुंबई महापालिकेच्या वतीने विविध माध्यमांचा वापर करुन सातत्याने जनजागृती करण्यात येत असते. ‌‘स्वच्छता ही सेवा‌’ अभियानांतर्गत ‌‘सुपर स्वच्छ नवी मुंबईचा स्वच्छ संवाद‌’ हा एक अभिनव उपक्रम दूरदृश्य प्रणालीव्दारे ‌‘फेसबुक लाईव्ह वेबिनार‌’ स्वरुपात राबविण्यात आला. यामध्ये नवी मुंबई पालिकेच्या व खाजगी अशा 70 हून अधिक शाळांमधील 35 हजारहून अधिक विद्यार्थी सहभागी झाले होते.

या विद्यार्थ्यांनी स्वच्छतेचे महत्व, घनकचऱ्याचे वर्गीकरण, कचऱ्याची सुयोग्य विल्हेवाट तसेच सोशल मिडीया आणि एआयचा योग्य वापर याविषयी सविस्तर माहिती घेतली. नवी मुंबई महापालिकेच्या मुख्यालयातील ज्ञानकेंद्र या सभागृहात संपन्न झालेल्या या उपक्रमामध्ये 200 हून अधिक विद्यार्थी व 25 हून अधिक शिक्षक प्रत्यक्ष सहभागी होते तसेच 35 हजारहून अधिक विद्यार्थी आपापल्या शाळांमधून फेसबुक लाईव्हव्दारे सहभागी होते. याप्रसंगी सभागृहामध्ये घनकचरा व्यवस्थापन विभागाचे उपआयुक्त डॉ. अजय गडदे, शिक्षण अधिकारी सुलभा बारघरे यांची उपस्थिती होती. या वेबिनारमध्ये ओल्या कचऱ्याचा शुभंकर (मॅस्कॉट) ‌‘ओलू‌’, सुक्या कचऱ्याचा ‌‘सुकू‌’, घरगुती घातक कचऱ्याचा ‌‘घातकू‌’ आणि सॅनेटरी कचऱ्याचा ‌‘सानू‌’ या चार ॲनिमेटेड मॅस्कॉटव्दारे स्वच्छतेची व कचरा वर्गीकरणाची माहिती विद्यार्थ्यांना मजेशीर स्वरुपात व समजण्यास सोपी जाईल अशा पध्दतीने देण्यात आली. त्याचप्रमाणे अन्नाचा ‌‘ींहळीव सशपशीरींळेप हरी र्लीश्रींर्ळींरींळपस श्ररपव‌‘कचरा, पुनर्वापरयोग्य कचरा, नाकारलेला कचरा आणि इलेक्ट्रीक कचरा याचीही माहिती देण्यात आली. विद्यार्थ्यांशी ऑनलाईन थेट संवाद साधत त्यांनी वेळोवेळी विचारलेल्या शंकांचे निरसण करण्यात आले तसेच स्वच्छतेविषयी प्रश्न विचारुन त्यांना संवादात सक्रीय सहभागी करुन घेण्यात आले.

सध्याचे युग हे अत्याधुनिक एआय तंत्रज्ञानाचा प्रभाव असणारे असून एआय म्हणजे काय याची माहिती देत ते स्वच्छतेसाठी कसे उपयोगी ठरु शकते याची माहिती सोप्या भाषेत प्रात्यक्षिकासह देण्यात आली. विद्यार्थी हे एआय आणि सोशल मिडीया यांच्या सहयोगाने ‌‘स्वच्छता इन्फ्ल्युएन्सर‌’ बनू शकतात याविषयीही माहिती देण्यात आली व प्रोत्साहित करण्यात आले. विद्यार्थ्यांनी स्वत: तयार केलेले एआय पोस्टर 2025 या हॅशटॅगसह सोशल मिडीयावर शेअर करण्याचे आवाहनही विद्यार्थ्यांना करण्यात आले. नवी मुंबई महानगरपालिकेकडून विद्यार्थ्यांकडून अपलोड झालेल्या सर्वोत्तम कंटेन्टला महानगरपालिकेच्या अधिकृत सोशल मिडीया प्लॅटफॉर्मवर स्थान देण्यात येईल असेही विद्यार्थ्यांना सांगण्यात आले. प्लास्टिक कचऱ्याच्या दुष्पपरिणामांची माहिती विद्यार्थ्यांना देतानाच प्रोजेक्ट मुंबई या संस्थेच्या सहयोगाने नवी मुंबई महानगरपालिका मागील दोन महिन्यांपासून राबवित असलेल्या प्लास्टिक कचरा व ई-कचरा उपक्रमाची माहिती देण्यात आली.